~Do legst di nieda!!~

I hob an Brilli! Na stimmt ned, san sogar zwoa! Und hoaßt Award! Und den muss man sich erARBEITen, denn in Bayern hoaßt Award -> Arbeit! Und so schaugt´a aus Na Schmarrn, jetzt hob i des foische Buidl dawischt *gg* Aba so schaugt´a aus da Brilli i moan natürlich da Award! Schee zum O´schaugn oda? Mei is des a Gaudi!! I woaß jo gor ned womit i des vadient hob! Soviel Ehr auf amoi! I gfrei mi umbandig! Gflogn kumma is a zum erschten aus´m Werdenfoisa Land, von da lieban Helga mit ihre scheena Stoa. Hob recht vui Dank dafür!! Und weil i den Award ja a kriagt hob weil i a knuddeliges Biabal hob, und er vom Brilli ja ned vui hot, hob i eam heit glei a neis Fahrradl kafft. A rots Feiawehrradl, jawoll! Da zwoate Award wurd gschmissn aus Südostoberbayern vom Teifi seim Weib . I bin sehr froh dass i di hob und i hoff mir seng uns boid amoi wieda! Und dank da recht schee für des Kompliment ;-) Und wei ma ja im Lem nix umasunst krieagt, muaß ma a paar Regeln beachten: 1. Der Gewinner darf das Logo auf seinen Blog stellen - is gscheng, schee schauts aus ;-) 2. Verlinke die Person, die dir den Award verliehen hat! - Berichtige auf die Personen - is a gscheng 3. Nominiere mindestens 7 Blogs! 4. Stelle die Links zu diesen Blogs ein! 5. Hinterlasse den Nominierten Nachrichten auf deren Blogs! So und jetzt kimmt mei Problem, oder derer glei drei. Punkt 3/4 und 5 *gg* Erstens san die meisten scho nominiert wordn, und zweitens bin i zwar koa Noudniggel, aba wos i amoi hob gib i nimma her ;-) Aussadem hob i jo blos zwoa Awards und soi sieme weitagebn, da passt jo wos ned. In da Schui in Maddemadik hob i nämli imma aufpasst ;-) Für mi seids ihr alle brilliant!! Mir daugst in Eurer ehrlauchten Bloggergsellschaft! Dankschee dass Eich gibt!